الادارة

سندس المبيض

منسقة المشروع

خريجة كلية الاقتصاد والتجارة .. منسق عام ..

فنانة ،مبدعة ،بتمتلك إحساس قوي للجمال والفن بكافة صوره .. شديدة الوعي، مستقلة، وبتسعى للتجديد دايما .. عندها قدرة كبيرة ع ضبط الحديث ،وتوصيل الموجز لكل الأعضاء .. مرحة، ولما تحكي بتحس الكلمات عم تغني وتفيض إحساس .. سندس، اللطف الممزوج بالجمال، بيعكسوا صورة بديعة عنها ..

الفريق التقني

عبدالله مكسور

منسق الفريق

خريج هندسة برمجيات ..
منسق فريق IT ..

مستقل ،واثق الخطى ،ومثابر ..
محاور ومستمع متميز ..
بيسعى لتحقيق أي هدف راسمو مهما كلف حتى يحققو ..
منافس خطير ،وروح التحدي بتطغى ع شخصيتو ..
سند الفريق ،وممكن يتحمل أي عبء ولو ع حساب نفسو ..
عبد الله ، صاحب الابتسامة الدائمة الممزوجة بالثقة ..

ماهر جادو

مساعد منسق

خريج الكلية التطبيقية ،تقنيات حاسوب ..
مساعد منسق فريق IT ..

متعاون ،حالم ،وحيوي ..
معالج لأي قصة بموضوعية ،وصاحب مسؤولية ..
مريح ،قريب من القلب ،وبقدملك كل يلي بدك يا بدون مايحسسك أنو قدم ..
بعد فترة محدودة بالتعامل ،اتأكد تماما أنو فيك تطلب منو أي شي متى مابدك وماحيقلك لا ..
صبرو أطول من برج إيفل .. هاد الموضوع يلي خلى الفريق يستعين في بأي موضوع بدون تردد ..
ماهر .. مزيج من الذكاء والاحترام والإنسانية ..

أنس بكرو

مساعد منسق

خريج هندسة معلوماتية واتصالات ..
عضو ضمن فريق IT ..

دؤوب وبيتجاوز أي عقبة ليصل لطريق راسمو ..
صاحب مسؤولية وراقي جدا بالتعامل ..
منظم ودقيق وعملي بشكل كبير ..
مابيتوانى عن مساعدة حدى ،وبأنجز أي عمل بدقة متناهية ..
أنس ،هالة من الهدوء والالتزام والطموح ..

احمد مصابني

عضو

طالب في كلية المعلوماتية ..
عضو ضمن فريق IT ..<p
عملي ،ومتقن لعملو ..
مابيتوانى عن مساعدة حدى ، هالصفة جعلت منو شخص محبوب عند الكل ..
منظم ،وملتزم بالمطلوب منو دايما ..
حكيم ،وعندو قدرة كبيرة ع تجاوز المشاكل وحلها ..
أحمد ،المبرمج المبدع من ماوراء الكواليس ..

احمد بشير بركات

عضو

طالب في كلية تكنولوجيا المعلومات ..
عضو ضمن فريق IT ..

سريع التعلم ،ومعطاء ..
عندو قدرة هائلة للوصول لأي هدف مهما كلف الثمن ..
اكتساب المهارات ومواكبة التطورات مابيتقاعس عنها بأي ظرف كان ..
بيبذل كلشي عندو كرمال يلبي الكل ..
أحمد ،مزيج من الأخلاق والعلم والود ..

اياد قنطقجي

عضو

خريج كلية الاقتصاد والتجارة ..
عضو ضمن فريق IT ..

مدرك ،مبادر ،وصاحب مبدأ ..
مفكر عميق ،وبيملك قدرة كبيرة ع تحديد أهدافو ..
حبو للتطور وسعيو للعلم بكل طاقاتو مالو حد ..
من الأيادي الخفية يلي بتشتغل بصمت ،وإنجازهم بيحكي عنهم ..
إياد ،ومضة خير وعلم وإنسانية وثقافة مع تواضع ..

فريق المحتوى

حليمة صبرة

منسقة الفريق

 

خريجة كلية الاقتصاد والتجارة ..
منسقة فريق انشاء المحتوى ..

صاحبة الحروف النيرة ،اجتماعية ،ومنظمة بشكل كبير ..
مبدعة ومرحة ،ومصدر ثقة للفريق ..
مؤثرة،وصاحبة عقل منفتح ..
واسعة الأفق ،وبتملك رؤية واضحة ..
همتها العالية بتبثها دايما بالفريق لتحفزو ع الإنجاز ..
مزجها للشخصية القيادية مع المرح واللطف ،جعل منها شخصية قريبة من قلوب الكل ..
حليمة ،النجمة يلي عم تضوي بكل زاوية بالفريق ..

 

هبة عرابي

عضو

خريجة هندسة حاسبات /ماستر في الأنظمة الذكية ..
عضو ضمن فريق انشاء المحتوى ..

محبة للخير ،خدومة ،ودايما متقدة حماس ..
إنسانيتها بحر مالو نهاية ،وشغفها بالسعي لهدفها مالو حد ..
الرضا جزء لايتجزأ من شخصيتها ،وبتبث الطمأنينة وين ماحلت ..
الأم الوحيدة يلي معنا بالفريق ،والأطفال ومشاريعهم النور يلي بيهدوها للحياة ..
هبة .. الحافز يلي بغذي الفريق دايما ليثمر ويأنتج ..

عبير حداد

عضو

طالبة هندسة برمجيات ..
عضو ضمن فريق انشاء المحتوى وفريق التسويق ..

اجتماعية ،إيجابيتها معدية ،ومتعاونة بشكل كبير ..
عفوية ،صبورة ،ويقظة بذكاء ..
شغفها التعلم بكل المجالات ، وثقتها بنفسها كبيرة ..
روح الدعابة بتسيطر ع شخصيتها ،ومرحها مالو حد ..
عبير ،مكان مابتوجد لازم عبيرها يعم المكان ..

سعد أزرق

عضو

طالب هندسة مدنية ..
عضو ضمن فريق انشاء المحتوى ..

صاحب عزيمة وطموح وأمل ..
من العاملين بصمت في لدات ،وبصمتهم واضحة ..
بدمو كريات الدم الحمراء والبيضاء ،وفيك تقول كرة القدم كنوع تالت من الكريات ..
محب للسفر والهدوء ومتفائل دايما ..
سعد .. الشخص يلي بيتحدى الظروف ليأنجز ويأبدع ..

عبدالرحمن معمار

عضو

طالب هندسة معلوماتية ..
عضو ضمن فريق المحتوى و IT ..

إيجابي ،متواضع ،وواثق من نفسو ..
مرن ومرح وبيحترم الاختلاف جدا ..
بحب التميز ،وبيسعى دايما ليطور مهاراتو ..
عبد الرحمن ،شخص مستحيل يرضى بكلمة عادي ..
وعندو قناعة بأنو وميض التميز لازم يرافق كل خطواتو ..

رغد شربجي

عضو

طالبة هندسة جينات ..
عضو ضمن فريق انشاء المحتوى ..

مثابرة ،مرحة ،وصاحبة اصرار ..
مرنة ،والتحدي عنوان حياتها ..
نشيطة ،مسؤولة ،والحيوية بتنبع من نظرة عيونها ..
حلمها يكون ألها أثر إيجابي ملموس ..
رغد .. آخر عنقود الفريق صح ..
بس آخر عنقودنا كان مختلف ،وقدر ينقل تميزو ليضيف شي رائع للفريق ..

رغد جوهر

عضو

طالبة ماجستير / إدارة مشاريع – هندسة مدنية
عضو ضمن فريق انشاء المحتوى ..

مرهفة ،وصاحبة احساس عالي ..
الفن جزء منها ،وامتلاك مشروع خدمي حلمها ..
ملتزمة بمواعيدها وبمهامها بالوقت المحدد ..
مدهشة بنشر النور بعملها بلدات بصمت ..
رغد ،قلب بيعشق الحياة ،وعقل بناضل لخدمة الإنسانية ..

عبدالرحمن زنابيلي

عضو

طالب في الكلية التطبيقية/اختصاص تقنيات حاسوب ..
عضو ضمن فريق انشاءالمحتوى وفريق التسويق ..

طموح ومعطاء ،ناقد لاذع ومنافس ..
متفاني بالعمل ومندفع ،مرح بذكاء ومتعاون ..
ثقتو بنفسو وبقدراتو ،سهلت الدرب ألو ليكون فعال وكان متل ماخطط ورسم ..
بيملك حس فكاهي عالي ،والجلسات مابتكمل من دون عفويتو ومزحو ..
عبد الرحمن والمستحيل ،مستحيل يجتمعوا سوا ..

لينا وهبة

عضو

خريجة كلية الإعلام الالكتروني ..
مساعدة منسقة فريق المحتوى ..

رزينة ،والهدوء بيضفي ع شخصيتها روح الإبداع ..
منظمة ،وتفكيرها متزن متل شخصيتها ..
مثابرة ،ومتقنة لعملها ..
مهارة الإنصات يلي بتمتلكها ،جعلت منها شخصية حكيمة ..
بتقدر تقول أنها النسمة يلي مستحيل تمر بحياتك من دون ماتحولها من ضوضاء لتوازن ..
لينا .. متعددة المواهب ،والزبدية الصينية التانية معنا بالفريق ..

بيان كيلاني

عضو

خريجة كلية الاقتصاد والتجارة ..
عضو ضمن فريق التسويق وفريق انشاء المحتوى ..

اجتماعية ،محبوبة ،وواثقة من نفسها ..
آخدة النصيب الأكبر من اسمها بالوضوح ..
ومعروفة بفصاحتها وبلاغتها وحبها لكلشي متعلق بالكتابة ..
طموحة لأقصى الحدود .. ولما تآمن بفكرة مستعدة ضحي بكلشي كرمالها ..
الشخصية يلي مستحيل تمر بحياة حدى من دون ماتترك بصمة إيجابية ..
منعتبرها الزبدية الصينية الأولى بالفريق ،من وين ما رنيناها بترن ..
بيان هيي وميض الطاقة يلي بيحتاجه كل حدى حواليها ..

خالد سلطان

عضو

طالب في كلية الطب البيطري ..
عضو ضمن فريق المحتوى والتسويق ..

مغامر ،مندفع ،وشغفو الاكتشاف ..
بيتجاوز المألوف دايما ،ليخترع أشياء غير نمطية ..
بيسعى ليترك بصمة إيجابية بكل مكان ..
الموضوع يلي بيعطي دافع للإنجاز ،العمل ضمن فريق ..
خالد ،الروتين عدوو الأكبر ،والمغامرة شغفو الأعظم ..

حسين حلبي

مدقق

طالب في كلية اللغة العربية ..
عضو ضمن فريق إنشاء المحتوى ..

سيبويه .. اللقب يلي مرافقو بكل خطوات حياتو ..
بيعتبر وجودو بالحياة لهدف واحد، إعادة احياء اللغة العربية ..
هادئ، كلاسيكي، وطموح لأبعد الحدود ..
لما بدك تحكي معو لازم تكون حذر من أي خطأ لغوي لأن مستحيل يمر علي ..
حسين واللغة العربية .. الرواية يلي صعب يكون الها اسم ..

فريق التسويق

كريم نصر

منسق الفريق

 

طالب هندسة زراعة ..
منسق فريق التسويق ..

صريح كتير وعفوي بأسلوب محبب للكل ..
طموح ،ونظرتو إيجابية دائما ..
أكتر حدى أصر ع قيمة المرح بالموقع ..
كلو حيوية ومن الأشخاص يلي بطيروا مابيمشوا ع الأرض من طاقتهم وشغفهم للحياة ..
كريم ،شعلة شغف وحماس وطاقة ..

 

عمر محمح

مساعد منسق

ماجستير تخطيط اقتصادي واجتماعي ..
مساعد منسق فريق التسويق ..

الشخص الغير عادي ،المستشار الحكيم ،والقيادي الناجح ..
التخطيط ملعبه ،والسفر سريرة أفكارو ..
عقلاني بمعالجة الأمور ،وأخلاقي بامتياز ..
مصدر ثقة للفريق نظرا لقدراتو وخبرتو الكبيرة ،فمستحيل يكون صديقك وماتستشيرو بموضوع مصيري ،لذلك الفريق بحبذ رأيو بكل خطوة ..
عمر .. مكان مابينوجد ،لازم الأمل والفرح والإبداع والروح الحلوة يعموا المكان ..

جودي طوزان

عضو

عضو ضمن فريق التسويق ..

قيادية ،ذكية ،وصاحبة فكر ثاقب ..
مؤثرة ،حكيمة ،وحازمة بمحبة ..
التسويق أوكسجين حياتها.. والإرادة سبب نجاحها ..
شخصيتها جذابة ،وبتتحلى بقوة الفصاحة والتعبير ..
بتمتلك مزيج من فن الإقناع واتخاذ القرارات ،هالشي جعل آرائها مرغوب فيها بكل الفريق ..
جودي ،شعلة من الطاقة والاستقلالية والحب والحياة ..

اسراء الدييك

عضو

طالبة في كلية الاقتصاد والتجارة ..
عضو ضمن فريق المحتوى وفريق التسويق ..

صريحة ،عفوية ،وصاحبة حس فكاهي عالي ..
ناقدة بذكاء ،مغامرة ،وصاحبة رؤية ثاقبة ..
بتتقبل أي تغييرات بمرونة عالية .. وبتسعى للأفضل والتطوير دايما ..
مخلصة ،وكلمة لا مستحيل تقولها لما هالشي بيتعلق بمساعدة ..
اسراء ،القوة يلي قادرة تحول أي عقبة لشعلة تهدي فيها درب الفريق ..

غنى الدادا

عضو

خريجة كلية الاقتصاد والتجارة ..
عضو ضمن فريق التسويق ..

هادئة ورزينة ،وأحلامها غريبة ..
معطاءة ومخلصة ،وحريصة ع التطور دائما ..
من نظرة عيونها بتفكرها بحر هادي ،بس بكل نبضة بقلبها في موجة لهدف جديد ..
غنى .. المطر الخفيف ومع ذلك عم يخلي الورد يزهر بالفريق ..

فريق التصميم

دانية مصول

منسقة الفريق

طالبة اقتصاد وفن تشكيلي ..
منسقة فريق التصميم ..

مستقلة ،وصاحبة خيال منفتح ..
الفن ،هوي الزاوية يلي بتشوف منها كلشي ،وعندها إيمان كبير بدورو بالنهوض المجتمعي ..
شغفها للبحث والمغامرة واكتشاف الأشيا الجديدة مالو حد..
المسرح والسفر الصديقين يلي بتقضي معهم أمتع لحظاتها ..
دانية الشخصية يلي كل تفاصيلها عم تحكي فن ..

محمد نور بكور

عضو

طالب في كلية العلوم التطبيقية ..
عضو بفريق التصميم ..

حالم ،ونظرتو فنية ..
متقد حماس ،وصاحب رواء ..
مابيرضى بمهارات عادية ،وبيسعى للاحتراف بأي مجال بيدخل في ..
مفهوم الصداقة مخلص ألو كتير ،والصداقة مانها كلمة عادية عندو أبدا ..
محمد نور ، وفعلا كان من اسمو نصيب بنشر النور بلدات ..

ياسر شواف

عضو

طالب في كلية الطب البيطري ..
عضو ضمن فريق التصميم ..

هادئ ،ومفكر متزن ..
محلل مبدع ،ومابيحكي إلا للضرورة ..
بيملك قدرة ع التوافق بين الهدوء والذكاء الاجتماعي ..
محب للاكتشاف ،وبيشتغل ع تطوير نفسو بقوة ..
ياسر ،صاحب الضحكة الرزينة يلي بتنشر الفرح بأي مكان ..

عدنان دهيمش

عضو

طالب في كلية العلوم التطبيقية ..
مساعد منسقة فريق التصميم ..

المغامر ،والساعي لعدم خسارة أي تحدي ..
بيملك مزيج من الهدوء والاندفاع للحياة بنفس الوقت ..
مبدؤه بالحياة ،مايعمل شي مامقتنع فيه ..
بنفس الوقت لما يقتنع بشي ، مستعد يتحدى أي عائق كرمال يأنجزو ..
عدنان ،الشخص يلي قلبو عم ينبض فن وإبداع ..